一，唐狗勉強入閘，下場係咁，泛民，知死未？
二，唐狗，不是狼狗，親疏有別，港鐵職員唔會上前握手，更別說擁抱。
三，叫幾個男人老狗抱起一條狗，不是太厚多士嗎？
四，撞死狗彰顯了政治殘酷，三軌方案只有死路一條。
五，狗是人類最好的朋友，你相信，就蠢到冇朋友。
六，冰桶挑戰不如叫港鐵高層從路軌跳上月台。四隻腳的唐狗失敗，八足咁多爪的CEO識飛嗎？
七，環球時報又開罵，搶了狼英發言權，狗唔搭八。
八，撞死狗，找誰食死貓？實賴佔中！
九，唐狗識搭港鐵，如果八一七曾經行近灣仔，有可能被張融計埋入25萬反佔中人數內。
十，唐狗上唔到車，沉痛哀悼的，是同一宿命的年輕人。
十一，未雪，是狗。六八九，是人。
十二，人鬼才會情未了，狼狗？咬死你！而且是咬N次！