【本報訊】近年被遊客稱為「最火手信」的珍妮曲奇（Jenny Bakery），雖然日賣5,000罐曲奇，但仍然供不應求，造就坊間炒賣情況遍地開花，餅店於是推出每人每日限買兩罐的「限購令」，以圖遏止炒風，卻連累有港人誤中副車被拒絕買餅，指摘珍妮「唔做香港人生意」，但老闆楊賜梅澄清：「只係唔想賣畀炒家。」
記者：金敏琍 梁煥敏 黃學潤
尖沙嘴彌敦道與麼地道交界街頭每天皆出現長長人龍，排隊人士只為搶購兩罐珍妮曲奇，但讀者陳小姐的母親卻遇上不快經歷。
事主質疑歧視港人
上周一陳母到上環分店欲買一罐給行動不便的女兒時，在排隊期間被職員當眾拒絕賣餅，陳母反問職員：「𠵱家係咪唔賣畀香港人吖？」陳小姐稱當時職員理直氣壯說：「係呀！」這態度令她心感不滿，認為做法涉歧視香港人。
本報日前分別派出四名記者，佯裝顧客於不同時段，到珍妮曲奇尖沙嘴及上環兩店買餅，大多數均能成功買到，惟有記者買後，相隔4小時再排隊，被眼利店員認出拒售，女店員稱：「聽日先可以再排過。」並指住天花的閉路電視：「（我哋）可以開返嚟睇。」
記者亦目睹有內地拖篋客被職員拒絕派籌，職員解釋：「你今日買過喇，唔可以再買。」遇上眼熟的顧客，職員會直問：「你今朝係咪已經嚟過？」有人被認出後無奈離去，但亦有人成功逃過「法眼」再成功買餅。一名男客人更欲靠惡過關，他不斷向店員轟炸，要求一次過買入30罐曲奇，被拒絕後發惡：「畀啲大陸人攞先，我仲使出嚟行嘅？我唔攞大家都唔好攞！」並要求與負責人對話，惟職員未有理會，似是對此狀況見怪不怪。
「賴遊客買晒啲餅」
事實上，店舖內外均貼有告示，列明「每人限買兩罐，每日限買一次」、「本公司有權拒絕出售貨品予懷疑作炒賣之人士」，以及用簡體字寫的「嚴禁倒賣，一經發現，禁止入店」等字句。記者直問上環店的店員會否拒絕售予港人，她直言：「好多香港人買完後拎畀炒家，成日賴晒遊客買晒啲餅，其實就唔係，係佢哋自己買嚟炒，我哋見到佢哋交錢先唔賣畀佢哋。」
記者在購買的過程中，並無被店員要求出示旅遊證件，可見珍妮曲奇應該不是拒做港人生意。該店老闆楊賜梅（Jenny）就被指摘「唔賣畀港人」事件作出澄清： 「唔賣畀港人係惡意中傷，我哋只係唔賣畀炒家。我哋唔分國界，任何人每日可買一次。我哋主要想畀人食，唔係想畀人炒！」她坦言店員只靠眼力及記憶力認人，難免會有市民誤中副車，希望港人明白。
