【壓抑炒風】
2005年在港開業的珍妮曲奇，由馬來西亞華僑楊賜梅（Jenny）創辦，最初在赤柱經營時只是小店，由於標榜「香港人手製造」，進駐上環和尖沙嘴後大受OL歡迎，兩年前更被瘋傳為 「香港最火手信」、「領導食的曲奇」，成為遊客必買手信。
連籌都炒 80元一張
面對被指摘「唔賣畀港人」，老闆娘楊賜梅強調：「我哋只係唔畀炒家！」她指限購令只是打壓炒家，有時為了確保所有排隊者買到曲奇，會視乎當日貨量而限制每次購買量，「有時一日限買五罐、有時四罐、有時兩罐，原則係人人平等，絕無歧視」。Jenny指炒家無所不用其極：「試過有人帶幾套衫、眼鏡、帽，變裝五次，買完後就轉手賣出。」她曾想用派籌以杜絕炒家，結果卻連籌都炒至80元一張。她又稱：「其實杜絕炒家好易，出面炒價200蚊一罐都有人買，我可以索性大幅加價，炒家利潤減少，自然少炒賣，但我唔想亦唔會咁做，希望價錢平民啲，多啲市民都可以食。」
執業大律師陸偉雄表示，商店有權選擇客人，店主可指定不售予企圖轉售圖利的炒家，除非店方以種族、膚色、身體殘疾狀況、性別才區分顧客，才觸犯《歧視條例》而被檢控。
《蘋果》記者