【B哥大婚之大小盡興】鍾鎮濤（阿B）和范姜前日下午在峇里舉行浪漫婚禮，晚上於下榻的Alila Villas Uluwatu酒店開派對狂歡，現場大紅燈籠高高掛，換了Dries Van Noten禮服的阿B與穿上Roberto Cavalli低胸長裙的新婚妻子范姜在盛放的煙花下深情擁吻，並領跳第一支舞，甜蜜滿瀉。
學友冇晒聲
阿B和范姜本來安排了樂隊助興，但被星級好友騎劫舞台，第一個騎劫舞台的是譚詠麟（阿倫），跟着溫拿、張學友都技癢搶咪，身為後輩的羅志祥搶不到咪，竟然走去搶打鼓。
星二代就在台下玩小孩子遊戲，阿B三個女兒用紗布和毛巾綁成一條大繩，幾個小朋友玩跳大繩，引來阿B、學友、張家輝、曾志偉等叔叔加入齊齊玩，眾人盡興至半夜2時許，才陸續返房休息。洞房花燭後的阿B和范姜，於昨日傍晚5時45分才離開酒店外出，他們安排三架旅遊巴接載賓客，在警車開路下到Metis Restaurant & Gallery晚膳，到達後保安緊張驅趕記者阻採訪。
此外，學友、張家輝、阿倫和周麗淇等昨日離開峇里返港，家輝在峇里機場接受訪問說：「玩得好開心，有啲醉。」還指着前面的學友爆料：「學友有啲喊。」聲沙沙的學友說：「好開心，唱到冇晒聲。」家輝插嘴：「因為噚日鬼佬band唔識彈佢啲歌，搞到有歌冇用武之地。」他又搞鬼指周麗淇跳艷舞，令她沒好氣笑罵：「你聽佢講啦。」
阿倫讚范姜
阿倫則說：「溫拿唱歌送畀范范，多謝佢照顧得我哋兄弟阿B咁好。結婚儀式好感人，我要做證婚人講好多嘢唔敢喊，睇佢哋一路走嚟知難行，阿B經歷咁多波折起伏，范范不離不棄，令我哋好感動，范范仲喊咗幾日，開心就喊。」
採訪、攝影：楊浩賢、畢紹基
