袋住先，其實是甚麼意思？或許在大石已壓死蟹還要壓到變成蟹柳的時候，再討論袋住先已無意義，但粵語長片話齋，你得到我個人都得唔到我個心，強搶民女不會變成天作之合。
所以，袋住先，其實是踢爆了這是一個注定不完美的普選方案。那究竟甚麼是「袋住先」？即是網絡金句，「豬扒都係肉，好過去自瀆」。
豬扒明顯不是大家正常人會樂見的選擇，但有人對你，一個宅了30年的饑渴男人講，「靚仔，有囡，真係唔要?」你試圖掙扎，「大佬你明明話係BB嚟㗎喎，點解變咗呢件?」
佢陰惻惻的笑，「佢都係BB，私煙BB都係BB。」你大叫，「我要嘅係翠如BB。」佢冷笑，「BB係無國際標準，以為只有某些BB才叫BB，是很可笑的講法。」
你面臨生死抉擇，有BB真係唔要?你已經30年無開過齋，你的確很需要一個女人，但，那卻是私煙BB，那是和你想像中的女人有很大很大出入。BB的確無國際標準，但豬扒肯定有公認的長相，你無法欺騙自己。
「你仲諗，袋住先啦。」你明白袋住先的意思，便是「豬扒都係肉，好過去自……」，你明，但你啃唔落。媽媽，我餓，但我吃不下。
「有食唔食，罪大惡極。」你懂，但你更怕永不翻身。就像打牌，雞糊你食唔食？如果這是開局第一鋪牌，食住先，無問題，下鋪再做大牌。但如這是最後一局呢？你難道不會做大牌？食雞糊的後果便是提早完場無仇報，你會寧可摸和，還留有一個回本的機會。如貪便宜食咗雞糊，點對得住自己？更何況，現在情況，似詐糊機會更大。豬扒都係肉，要食，寧可齋戒沐浴。