【供不應求】
珍妮曲奇供不應求，掀起一場「炒餅風」。記者發現珍妮曲奇上環永和街分店一帶店舖，或明或暗地炒賣珍妮曲奇，而尖沙嘴美麗都大廈分店附近的情況更猖狂，同一商場內竟連手機舖、服裝店、精品店等均有售該款曲奇。
原價120元 200元賣出
記者向其中一間分店問職員有沒有珍妮暫停供應的「八味曲奇」，他卻回應指「有九味」。附近的重慶站更有店舖主打售賣珍妮曲奇，市民難分真假。
記者又到過上環分店一舖之隔的茶餐廳，發現其門外一張枱上擺放至少有十多罐的曲奇放售，更貼有「收曲奇餅 歡迎查詢」的字句。記者上前查詢收購價，茶餐廳店員直言：「大嘅加10蚊，細嘅加8蚊。」以珍妮曲奇舊價四味大罐賣120元、細罐賣65元為例，茶餐廳以130元和73元作收購價，但轉手則以200元和105元倒賣予遊客，每罐炒賣分別獲利70元及32元。
茶餐廳店員更笑稱，不認為炒賣行為有錯，反指珍妮拒賣予炒家做法不妥，「李嘉誠都係咁㗎啦，你呢層樓拎去炒，唔通我唔賣畀你咩？冇可能㗎。點解我哋唔可以賺多少少錢呢？香港係自由貿易市場嘛！」
《蘋果》記者