【壹週刊】頭先我上微博一睇，見到陳小春同古巨基一齊去按摩嘆世界，嚇咗我一跳，乜佢哋咁friend架咩？原來係得啖笑！
喺一個名為「帥金洪」嘅微博度，有好多張同古巨基9成相似嘅相，仲要成日孖住「小春」一齊，一個唔小心真係俾佢呃到，原來兩個都係山寨版！呢個「山寨基」無論表情定係打扮，都抄到基仔十足十，佢有一套白色西裝，就係兩年前基仔去BillBoard頒獎禮著嘅嗰套。
個樣似到咁，梗係有唔少內地商演搵佢，山寨唔緊要，最緊要平。不過最好笑係山寨基喺微博話佢咁多年來，從來唔會冒充古巨基接show，抄到咁都唔算冒充？佢仲要經常轉發基仔同小春嘅微博相，唔通真係要鑿埋古巨基呢三個字喺額頭先算冒充？
iPhone版下載： http://goo.gl/1SDaWF
Android版下載： http://goo.gl/xfQS8D