【本報訊】本港樓價勢如破竹，嘉華國際（173）主席呂志和再次呼籲有能力者「有錢就唔怕買（置業）」，指現時利息水平偏低，上車自住仍然「有着數」；他估計，隨着供應增加，樓價一年升兩、三成的情況難再出現。
料樓價難年升兩三成
本港樓價屢創新高，呂志和坦言樓市已出現兩極局面，即豪宅交投冰封，細價樓需求則仍然旺盛，交投熾熱，料樓價持續按步上升。他指，政府出招鼓勵發展商推出中小型「上車盤」，舒緩市場需求，「𠵱家利息好低，計埋通脹、回報率，買樓仍然有着數，有錢就唔怕買」。
不過，他相信樓市炒買「機會已經比以前少」，「我不嬲都話買樓應該自住」，認為樓價一年大升兩、三成的情況未必再出現；但自住的話，「銀紙係咁貶值，你（買樓）若干年後一定有增長」。
另一方面，有發展商在山頂推出呎價破亞洲紀錄的豪宅，呂志和指該類豪宅只算是滿足「少數人嘅心頭好」，而且供應不多，僅得一至兩個單位，直指「唔好以此為例」。
嘉華上半年以近30億元，投得九龍東啟德發展區一塊住宅地皮，呂志和指集團「幅幅地都有投」，下半年會繼續尋找機會；不過，現時本港吸引到不少大陸發展商參與投地，「我哋出價會公道啲，唔會搶地」。
今年上半年，嘉華在香港僅得深灣9號入賬，項目不多下，總收入大跌逾七成至約75億元，純利只有2億元。
至於普選問題出現的爭拗，呂志和認為「應該專心搞好經濟，大是大非留返畀大人物講」，又表示「國家咁大、咁多問題，點解要去撩佢？你哋鬆啲手，等佢（中國）對我哋好啲」。對於佔中問題，呂志和沒有直接回應，指「香港咁好，外國好妒忌。（外國）搞衰香港，（中國）心裡明白佢哋想達到嘅目標」。