中大學生會會長張秀賢，呢幾日無端端入咗個補習群組嘅WhatsApp group，佢話「呢啲補習group真係好煩，要改吓group先得」，結果佢將人哋「補習介紹31111770」嘅group名，改為「我要真普選」，最尾仲加個「加油」emoji，希望啲無辜被迫入組嘅人，都可以齊心爭普選。
睇番TutorGroup.hk香港導師網頁，佢哋介紹自己08年成立。相信唔少市民都試過，俾呢個組織嘅WhatsApp自動加入。有受影響人士因為好唔鍾意成日被加入呢個群組，成立咗個facebook page聲討，希望佢哋唔好再騷擾人。