有無發覺呢張相有乜唔妥呢？上市公司開記者會，一班管理層後面通常有個佈景板，上面實會印住記者會主題，例如係講中期業績，咪印住2014年中期業績之類。噚日中國神華（1088）喺金鐘一間五星級酒店舉行中期業績記者會，佈景板竟然光脫脫，唔知仲以為佢哋急就章先搵到呢個地方，趕唔切搵人做佈景板。
查實佢哋舊年已經轉用光脫脫佈景板，話係響應環保，又跟從國家主席習近平提倡節儉嘅風氣，於是一切從簡喎。除咗要求慳得就慳，內地近日盛傳中央計劃大幅削減央企老總嘅人工，似乎度度都要削減開支，唔知央企將來要唔要慳到，唔可以喺五星級酒店租場舉行記者會呢？