【本報訊】電腦通訊節昨圓滿結束，大會估計入場人次達七十萬。多間參展商表示生意額比往年好，但仍有攤檔乘最後一天，推出多個最後限定優惠及瘋狂勁減，成功「食尾糊」吸引市民一窩蜂搶購。
網購生意多四倍
首次參展的樂視是電腦節最大的攤位之一，限量拍賣30部的4K電視LeTV X50Air，每日均半小時內已完標，成交價比標準定價還高。市場部主管鍾詠薇指參展主要為宣傳和試市場水溫，「我哋之前搞過網上試賣，加埋今次電腦節嘅反應，反映市民都好接受呢個比較新嘅電視品牌」。而聯想香港有限公司負責人余少明透露生意額至少有兩成升幅，認為今年多了市民購物，「無咗往年跳蚤市場嘅感覺，入得嚟嘅人都會買嘢走」。
除電子產品，以網購突破重圍的「百家匯BuyHome.com」銷量比往年更是四倍之多，高級營運經理黃鳳儀直言反應超出預期，熱門貨品如9.9元的辛辣麵前兩日已售清，「本來以為銷售對象都係年輕人為主，但結果八成客都係師奶同中年人，可能佢哋唔識網上訂購，香港又好少地方係現場一對一教你點網購啦﹗」
不過，亦有位於較偏門位置的展商指今年人流比以往少四分一，中午時分便開始劈價促銷，價值300多元的名牌機殼減至10元2件，員工劉小姐希望可於結束前散貨，「早啲賣完早啲收工嘛，賣唔晒都唔拎返公司喇﹗」
