【本報訊】健身公司California Fitness屯門會所上月不獲續租結業，多名已預繳會籍及堂費會員就賠償連日交涉不果，昨到消費者委員會要求介入跟進。有苦主指該公司內部賬目混亂，預繳的課堂卻被算入其他人名下，又有教練疑自製「鬼堂」紀錄。
陳先生為「One Club會員」，只可在屯門會所使用服務。他指職員及教練早知將會結業，數月前卻仍向他推銷新課程，「買咗200堂，仲有140幾堂未用」，約值20萬元。陳先生追討賠償時，竟發現曾購買18,000元教練堂但無紀錄，「（直至）我查詢先同我講落咗另一個戶口，仲要已經用咗」。
教練疑自製「鬼堂」
網上群組「屯門California苦主」發言人廖先生批評California Fitness紀錄混亂，更出現「鬼堂」情況，「明明（學員）返寫字樓工，但朝頭早6點堂又有（上），夜晚11點上又有，連Office Hour都有紀錄」。他指有教練為製造已上堂假象，故意預訂學員不能上課的時間，「到計賠償又用對佢（公司）有利嘅紀錄」。
廖先生稱首次開會時約300人出席，涉款最多達40多萬元，惟對方開出的賠償金額無統一計算標準，「明明係住屯門嘅All Club Member（無指定地區），要喺屯門用夠使用率先有得賠；有人就賠足，有人就得七成」，引起苦主不滿。
協助追討賠償的屯門區議員陳樹英指，昨向消委會遞交30多個投訴個案，希望消委會正視不良營銷手法。