衞蘭昨日在山頂杜莎夫人蠟像館為11月尾的紅館個唱舉行記招,穿黑色間條套裝的衞蘭略肥,跟身形纖瘦的蠟像合照,感慨萬分說:「07年嗰時瘦啲,見到07年自己諗起以前有啲感覺。」被問到否心情不佳,她說:「唔係,𠵱家代入演唱會心情,好多嘢要籌備,要記歌詞,我4月26號開始戒煙keep fit。想着衫靚啲,自己有做運動,冇食早餐飲齋啡跑步。目標係減10磅左右,𠵱家係127磅。」
衞蘭演唱會的宣傳海報被指加工變瘦,她笑說:「少少囉!上身係自己,件衫係Leon揀,着得瘦咗啲。」不過黎明直指衞蘭肥過電單車,衞蘭說:「無心嘅,可能想提醒我,係推動力。」
採訪、攝影:王連連