隔牆有耳：
唐唐主場淋冰挑狼英機 - 李八方

被岳少點名嘅唐唐，噚日喺屋苑泳池旁邊淋冰水找數，囡囡可能嫌老竇太熱情太hot，另攞一桶冰水向老竇照頭淋，其他在場嘅厚多士包括唐太同阿仔等，乘勢一人一桶狙擊，慘遭圍淋嘅唐唐招架乏力，最終更被推落水。

一家人喺泳池玩得不亦樂乎後，唐唐宣佈捐一萬蚊幫ALS病人，仲喺自己主場向狼英挑機「復仇」，話想畀機會狼英同家人一齊淋冰玩番日，同時希望何俊仁淋多次冰水找數。想睇片可到 http://youtu.be/rHoYYRn8-hU

肥佬黎淋三次找數

壹傳媒集團主席黎智英亦喺噚日自淋三次冰水找數，其間仲將未溶嘅冰執番再用，稍後捐款之餘，表明單挑曾鈺成。肥佬黎其後參與民主登高活動後稱會繼續捐錢畀泛民，唔覺得係害咗佢哋。