距離9月14日馬季開鑼日只有三周，但唔少練馬師對首戰嘅部署已有腹稿。其中告東尼預告開鑼日1200米特首盃，話明會派「夢幻十一」、「幸福指數」和「風之子」三駒上陣。
睇番上季揭幕戰，告東尼是大贏家，當日憑「羅馬神駒」、「迎風飄揚」及「美麗昇華」大演帽子戲法，作風急進，睇嚟今季亦會照辦煮碗。告東尼透露周二(26號)季內首次泥地試閘，打算替多駒報名參加，希望谷起狀態，只要佢哋進度良好，便曾悉數報爭開鑼日賽事。
上季特首盃「夢幻十一」輸畀「愛跑得」屈居亞軍，今季捲土重來之外，廐侶「幸福指數」和「風之子」亦會報名，其中全港最高分三歲馬「幸福指數」將初跑 1200米，備受矚目。告仔話徒弟蔡明紹上季尾贏「幸福指數」表現實在出色，令佢很滿意，即使最近有其他騎師向佢索騎此馬，但仍屬意紹仔夥拍「幸福指數」，告仔指隻馬肯定有級際賽實力，1200米亦唔會嫌長，最怕三歲馬負磅太重，否則有力捧盃。至於「夢幻十一」係田草1200米專家，「風之子」近態亦唔錯，三駒將不分正副出擊。
識睇，一定係睇足英台【英波Live】：
http://soccer.appledaily.com
http://bit.ly/engballlive