【本報訊】Y世代經常被人批評不能捱苦、較自我中心。但有一班Y世代在今屆電腦節學做老闆創業，短短兩日展期已經賺回成本，生意額達五位數字。
數碼收音機熱賣
振業電子由八位香港公開大學一年級生組成，參加由大會舉辦的「幫你做老闆──創業學習賽」，大部份也是就讀會計系。攤位大多銷售收音機、藍芽耳機等電子產品，由學生自己找供應商及試產品，並訂立宣傳策略及定價。副組長Albee指，今次參加比賽是為賺取經驗，「平時上marketing（市場學），學嘅嘢都好死，點樣銷售入貨，但實際上係點運作？」
所賣的產品不算突出，但勝在價錢實惠、質素好。大受歡迎的Bonnaire耳機，比市面便宜數十元，但想不到的，是數碼收音機更好賣，七箱貨幾乎沽清，僅餘一箱。致勝之道，仍是份入世未深的心，「始終我哋係學生，銷售比較青澀，但可能因為咁睇得出我哋好有心，每一樣貨都係我哋試過，用第一身感覺去講，唔係齋sell」。由零開始一盤生意，最大的感受是老闆不易當，「自己做落就知做生意除咗要有心，仲要有好多事前準備！」