馬季就嚟開鑼之外，港滬股市互聯互通亦籌備得如火如荼，好多香港馬主來自金融界，正準備食住呢條水，好似「魚躍鳥飛」馬主關百豪就係得益者，佢旗下嘅時富金融（510）或受惠於互聯互通，股價由52周最低7仙6，好似火箭升空咁飆到最高曾見3毫半左右，升咗好幾倍，身家梗暴漲啦！
除咗有互聯互通射住外，關百豪喺馬場亦有水喉射住，就係佢嘅愛駒嘞，旗下嘅「如你所願」至今六捷，累積獎金400萬，另一隻「魚躍鳥飛」更係如日方中，在港六戰三冠一亞一季一殿，場場有錢收，獎金亦近300萬，真係富貴逼人來。不過「魚躍鳥飛」亦可以話好可惜，本來佢未閹，本身又跑得少，進步空間極大，新季大有機會問鼎中距離級際賽，提升配種價值，可惜佢係隱睪馬，配種機會大減。雖然未必可生兒育女，但「魚躍鳥飛」喺賽事中吸金能力驚人，都算對得住關百豪有餘啦！
識睇，一定係睇足英台【英波Live】：
http://soccer.appledaily.com
http://bit.ly/engballlive