周日英超上演倫敦打吡戰，熱刺主場出擊，面對前領隊哈利列納領軍的昆士柏流浪（QPR）毫不留情，憑中場查迪尼梅開二度，以4:0大勝，以得失球差壓過同樣開季兩連勝的車路士，暫列榜首。
熱刺面對拉雜成軍的升班馬QPR，只花12分鐘已先開紀錄，艾迪巴約左路傳中，比利時中場查迪尼胸口控定再挑入。今季由士砵亭加盟的右閘艾歷迪亞繼首戰對韋斯咸後，再為熱刺建功，30分鐘近門頂入，熱刺領先至2:0；7分鐘後，查迪尼頭槌梅開二度，主隊半場已遙遙領先3:0。
換邊後主隊仍然控制戰局，再憑艾迪巴約門前建功而埋齋，就算後備入替的哈利卡尼、中堅卡保奧失機，亦無傷大雅。熱刺兩戰全勝入5球兼不失一球，以得失球差壓過車路士，嘗到榜首滋味，相反QPR回升英超即兩連敗，領隊哈利列納續添壓力。
史城逼和10人侯城
同日另一場英超，侯城後衞占士謝斯達早段領紅牌被逐，不過以寡敵眾下，一度由謝拉域門前建功，以1:0領先；下半場客軍史篤城由梳爾哥斯門前執雞，逼和1:1。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive