許志安與吳雨霏（Kary）前晚在九展舉行的「第一屆粵語歌曲排行榜頒獎典禮」分別獲得最受歡迎男女歌手獎，容祖兒與張敬軒則奪得媒體聯頒最受歡迎男女歌手獎，祖兒全場共奪3.5個獎成為當晚大贏家。
軒仔：上面禁廣東話
共奪3獎的軒仔說：「好開心有個粵語歌曲頒獎禮，最近上面（內地）要禁廣東話，私下可以講，但官方唔畀講，廣東人唔講廣東話唔知可以講乜。」鄭秀文（Sammi）演唱會一票難求，原來安仔也要派助手去排隊買門票，他說：「助手朝早8點去排但買唔到，最緊要係過程有支持佢！我問唱片公司應該有，有個朋友問我一定唔推得，佢就係張衞健，佢好認真咁問我，我驚冇飛冇朋友做，佢好小器啦！佢話幫媽咪買。」
採訪：盧妹
攝影：沈健程