【本報訊】早前反佔中舉辦「萬人跑步上中環」，獲警方安排在早上7時30分繁忙時間封路，供只得數百人由維園跑至遮打花園，但舉辦多年的渣馬就一直無法獲此待遇。
香港業餘田徑總會主席關祺坦言，每年都有與政府爭取更佳路線，但他慨嘆「唔係一廂情願我哋想點就點」，對於反佔中大聯盟是否獲優待和配合，他說：「咁兩個規格有唔同，我就希望得到多啲支持啦。」
主場新聞博客Edkin參加了八年渣馬，曾撰文批評渣馬安排活動官僚和因循。他指渣馬在清晨起跑，未能近距離接觸市民宣揚馬拉松，而上星期反佔中大聯盟主辦的所謂「萬人跑步上中環」，時間和路線明顯較渣馬好，認為當局安排明顯「大細超」，「渣馬喺港島區有幾偏遠就跑幾偏遠，最好唔好見到人，輪到反佔中就可以跑電車路，咁你乜嘢意思呢？如果反佔中可以跑電車路，咁渣馬都可以啦」。