【本報訊】平機會正諮詢檢討歧視條例，多個反同組織包括捍衞家庭價值大聯盟、性傾向條例家校關注組及自由黨反對同性婚姻大聯盟繼續狙擊，昨聯同多個商會反對把保障擴至事實婚姻關係伴侶，指做法逼僱主向員工同性及異性同居者提供福利，影響營商。
「事實婚姻都要有褔利」
中小企業工商聯合會主席曾南斥政策令中小企百上加斤，「又要搞強積金，𠵱家又全民退保，根本就壓榨中小企，又佔中，仲話事實婚姻（伴侶）都要有福利，啲人無結婚就想攞僱主利益」。中小企經貿促進會會長張川煌則指事實婚姻的界線模糊，「僱員屋企有幾多頭家，我哋唔知㗎喎」。
國際中小企聯合商會榮譽會長蘇祖耀認為諮詢「鬼祟」，「一年做足360日，𠵱家暑假唞吓，陪啲仔女去旅行，到9月仔女開學又好忙，根本無時間關心呢啲諮詢。」大中華中小企業商會創會會長雲海洪亦指條款令中小企「做唔到僱主」：「餐廳招呼不周又話歧視，佢哋喺你度嗌交，處理不周又係歧視，唔肯整餅畀佢又有問題，𠵱家仲要事實婚姻都要畀福利。」被問中小企常指政策影響營商，仍屹立不倒，雲指中小企近年生存空間已大幅收窄，僱員數目及工資亦減。