楊千嬅為令更多人認識香港殘障運動員，早前與兩位殘障硬地滾球運動員打了一場友誼賽並拍宣傳短片，千嬅談到對殘障運動員的感受時真情流露，表示她們的心態很值得現今年輕人及健全人士借鏡學習，她說：「佢哋年紀輕輕，但對生命有大智慧，天生我材必有用。當我哋灰心，更可以喺佢哋充滿笑容嘅面上，搵得番生活、生存嘅熱誠。」
撰文：文國駿
楊千嬅日前到藍田為香港殘奧會拍攝宣傳短片，與楊曉林及何宛淇兩位硬地滾球手打了一場友誼賽，而香港殘奧會副會長劉德華亦有到場探班。兩位球手大讚千嬅聰明，很快便掌握硬地滾球的打法及控制，她們更笑言要使出真功夫。
上天給予生存機會
楊曉林出生時因缺氧導致大腦麻痹，而何宛淇則患上先天性脊髓肌肉萎縮症，須每隔三小時躺卧休息，但二人卻活得積極，將自己的生命發光發熱，這令到千嬅覺得很感動，千嬅說：「覺得呢兩位同學仔雖然喺人生路上有缺憾，但其實佢哋內心非常強大，難得佢哋搵到咁有發揮同埋天份嘅運動，所以會更加珍惜，呢啲好值得健全嘅人去學習。」
千嬅非常欣賞她們對生命的堅持：「佢哋患嘅疾病、身體受嘅傷害同痛楚，係我哋健全人難以想像，每一分鐘都挑戰緊自己生命耐力，係好痛苦。所以佢哋生存要有強大內心，曉林同宛淇雖然年紀輕輕，但係佢哋對生命卻有大智慧，天生我材必有用，無論後天有乜困難都好，上天都畀你一個活着嘅機會，佢哋就係把握到呢個機會，搵到自己嘅用處。𠵱家我見社會上有好多人因為生活壓力輕生，我哋應該要去反省。呢班咁有熱誠生存嘅年輕人，其實係一個好好嘅解藥，我哋可以學習，唔應該輕易放棄。」
談到自己在演藝旅途中的挫折，千嬅自言遇過不順的時候，亦會發脾氣，但慶幸的是自己能夠緊守底線，她說：「我唔敢話自己好成功，但我知道自己嘅底線係乜，我明白生存就係要做好每一件事。當我哋灰心、諗歪咗或負能量嘅時候，可以喺佢哋充滿笑容嘅面上，搵得番生活、生存嘅熱誠。」
承受挫敗才算成功
千嬅續表示：「後生時遇困難會好竧，又會問點解，挫敗感強。但𠵱家覺得遇到困難就係證明自己有幾叻時候，我心諗『容易嘅嘢就唔使我做啦』，其實可以面對困難同承受挫敗感，呢個先係真正成功。」她又笑言自己「炮仗頸」，有運動員的永不服輸態度：「可能我係潮州人，出世時重男輕女，永遠覺得女仔能力比較細，我成日唔忿氣，每一分鐘都挑戰難度。」
楊曉林世界排第6
楊曉林出生時因缺氧導致大腦麻痹，出入要使用電動輪椅。外表斯文的曉林絲毫不像運動健將，但是瘦弱的身體內卻蘊含着巨大能量，現時她是硬地滾球BC2級世界排名第6的運動員。曉林小學開始學玩硬地滾球，其後接受專業訓練，她說：「能夠搵到一種自己可以做到嘅運動並唔容易，所以更要珍惜，有機會付出就要努力爭取最好成績，先唔會後悔。」
何宛淇錦標賽奪銅
患上先天性脊髓肌肉萎縮症的何宛淇，腰骨彎曲，肺部被脊椎壓力影響呼吸，須每隔三小時躺卧休息。她於08年開始加入硬地滾球隊接受訓練，但運動路並不順利，由於身體變差，於11年改為BC3級，需要使用管道打球，這對運動員來說可是一個大打擊，但宛淇仍在2013年亞洲及大洋洲硬地滾球錦標賽奪得BC3個人銅牌，更獲得本年參加世界錦標賽的資格。
