今年《動主播召喚2014》十強有兩位男丁，8號Sunny（湯浩宇）率先出更，拍住動主播師姐汶汶上陣！可惜天公不造美，出更當日撞正陰天下雨，唔通街頭訪問大考驗就會因此泡湯？當然唔會咁簡單啦！
估唔到喺朝早趕返工同落雨情況底下，Sunny依然不減熱情，不停出擊！汶汶發現多數樂意做訪問嘅途人都屬於媽媽級！Sunny話自己女仔緣就無乜，不過可能個樣生得夠乖仔，所以唔少媽媽級途人都覺得夠親切，肯同佢做訪問。嘩！新一代師奶殺手仲唔係你？不過，除咗外型乖仔又陽光，其實Sunny屢敗屢戰嘅精神，認真主動嘅工作態度，都加唔少分嘅！
想知道動主播參賽者Sunny正式拍攝時如何電暈一眾媽媽級途人，記得留意《動主播出更》系列！
【動主播召喚2014】網址： http://anchor2014.appledaily.com
