「齊昕嘅母親，無知、涼薄……齊昕嘅父親，冷血、刻毒……」
也許港人活得太苦，所以就算被二次創作歌曲《一口「梁」氣》的跳脫節奏洗腦，仍能發出會心微笑，苦中作樂。而這首惡搞特首夫人唐青儀的歌曲，正是出自80後青年Jacky Fung之手。在香港土生土長的他，透過音樂創作抒發個人情懷，作品又以中港矛盾和政治色彩為主，希望令港人產生共鳴，一笑忘千憂。
撰文：卓寶花
現年26歲的網絡二次創作人JFung，本身從事資訊科技行業，但他關注政治和社會，更視玩音樂為副業，一有空檔便埋手創作，他說：「學特首話齋，兩樣嘢分得好清，創作還創作，工作還工作。」近年JFung愛上玩電子音樂，配以自己創作混音，早前在網絡上看到在地鐵飲食的「厚多士姐」，忽然靈感觸動，便小試牛刀創作了《你厚多士》的remix版，一夜在網絡爆紅。看到網民反應，JFung驚訝：「冇諗過迴響咁勁，好多人分享。最初整咗條聲，但未配詞，見到厚多士條片，鬧得好起勁，廣東話唔正又聲大夾惡，於是就整咗首歌。」
創作唔諗後果
JFung本身是band友，厚多士作品見街後，他再接再厲推出《一口「梁」氣》，花了三日時間，將特首夫人一段訪問加插混音和歌詞，將訪問的內容完全扭曲，效果又離奇的好。他說：「最敏感係齊昕母親呢首歌，製作時冇諗太多後果，亦冇估計呢條片反而係最勁，點擊𠵱家仲升緊。」一眾JFung粉絲便建議他再創作針對時弊的政治歌曲。
畢竟是土生土長的香港仔，JFung創作論調懷着港人心聲：「只係大家有共同話題，例如香港人心聲，香港現況大家都知道，但冇途徑去講，亦改變唔到乜，但會討論個話題。」於是有《阿銀的夢想》出籠，帶出港人對新移民感受，並延伸至中港矛盾，JFung說：「首歌剪完出嚟嘅內容係我想講嘅說話，睇咗阿銀條片好多人問我係咪好憎新移民？唔係所有，但事實現況就係咁，香港人有被內地人影響，例如地鐵霸位、食嘢、行街買嘢冇秩序、踏上自動電梯唔會企一邊，仲要擋住你唔畀你過，呢啲係生活文化差異，鬧都改變唔到，但實實在在香港人遇到嘅事情。」
感覺無能為力
今年的7.1遊行和支持普選，JFung都有身體力行參與，對政府有訴求同時感到無奈，只能憑歌寄意，JFung說：「我讀設計出身，接觸好多關於社會文化，會留意社會，唔係返工放工討厭政治嘅人，自己生於香港愛香港。」JFung並非盲目追求政治，只想獲得別人認同，所以只會講出心底話，他說：「好多人講政府喺背後有人話事，由講政改普選到𠵱家，好多話題都好似自己話唔到事咁，感覺無能為力。自己都支持普選，最近同rapper heyo合作首新歌叫《大世代》，短短兩分鐘，啲歌詞我好認同，第一句已話我感覺好無奈，有時我哋惟有用能夠出聲嘅渠道去表達，有啲人可以出聲影響人，但偏偏會唔出聲或幫另一邊，睇到呢啲係幾痛心。」