【亂噏24】人稱「鬼王聰」的靈異節目主持潘紹聰，擁有一副如鍾馗般的擋煞外表，就連玄學師傅都覺得他擁有神奇力量加持，邪魔外道照理埋不到身。不過他在《亂噏24》大談疑似「俾鬼壓」經過，信不信由你。讀者可在 http://bit.ly/appletalk24 重溫節目。
撰文：馮國康
坊間流傳不少酒店鬼故事，潘紹聰主持靈異節目多年，當然聽過不少。他記得有女聽眾跟他講述台北某酒店的奇怪遭遇，確實匪夷所思。聽眾聲稱她獨自入住酒店，睡前穿好睡袍，起床時卻發現上半身赤裸，睡袍則整齊地放置床邊。徐緣說：「迷姦橋段嚟喎！」最離奇是，該事主聲稱不是夢遊，更不可能有人脫下她的衣服，至於為何發生這種事則不得而知。
生前葬禮沒相干
陳淑莊（Tanya）自爆由細到大都會「發開口夢」，甚至試過無厘頭唱生日歌，她說：「嗰次去旅行，個朋友聽到即刻『醒呀，醒呀』，佢以為我撞邪！」
中國人一向視死亡為禁忌，但近年開始興起「生前葬禮」，如黃夏蕙早前便舉辦過，徐緣認為這也不錯：「等人哋可以開心啲面對死亡。」他認識一名資深記者陳曉蕾，對方曾撰寫一本書叫《死在香港》，內容圍繞港人死亡的問題，亦有不少研究報告及殯儀業的發展史，趣味盎然，令他增進不少知識。
Tanya乘機問鬼王聰如何看待死亡，他答得自在：「我又唔係好怕。好多人話驚睇相，唔想知幾時死，但如果你話畀我知，我咪預早準備吓囉！」鬼王聰勸大家若不能接受死亡，就千萬別去睇相，無謂承受不必要的困擾。
徐緣「壓」到慣咗
鬼王聰被睇相師傅稱為「天賦異稟」，Tanya便問他是否比一般人較易接觸靈異界？鬼王聰即場分享疑似撞鬼經歷，他說：「大概一年度，嗰晚我瞓緊覺，突然覺得有嘢喺我後面飛過，擦咗我額頭一下飛出門口，我大叫『邊個？』跟住已經唔郁得，我就諗『頂，俾鬼壓？』我唔知掙扎咗幾耐，只知一定要畀自己醒，最後醒咗發現又冇乜異樣。」當然他明白「俾鬼壓」在科學角度上有得解釋，但都不排除靈異角度的可能性，譬如可能是先人提醒他要去祭祖之類。而試過「俾鬼壓」的還有徐緣，他從容的說：「我試過好多次，所以試試吓都唔驚咯，放鬆瞓番就冇事。」
鬼王聰主持靈異節目多年，徐緣問他可曾遇過「高人」不斷以科學角度「挑機」？他說：「其實係我挑自己機，因為我覺得做咗咁多年，唔可以仲停留喺嚇人層次。𠵱家媒體上好多照片、片段，我就攞呢啲片段去分析。」徐緣認為這做法能保證節目有好收視，皆因人類本身喜歡解謎：「好似舊時《今日睇真D》解剖外星人分五集播，但最少有個懸疑令你想知佢搞邊科。」
自從《迷離夜》、《殭屍》等本土電影先後上映，鬼片似乎復蘇，鬼王聰有份演出的《恐怖在線》也將上映。鬼片當然難以通過內地電檢，原以為香港對它亦有所限制，怎料剛好相反，《恐怖在線》更獲電影發展基金撥款，鬼王聰說：「原來政府唔抗拒呢樣嘢，喺六、七套申請電影入面揀咗我哋呢套鬼片。」拍完這部戲，鬼王聰正構思另一齣靈異電影，並打算邀請一班「鬼王」前輩助陣，現正找尋資金拍攝。
讚嘆《幻海奇情》
眾人提到當年有很多出色靈異劇集，其中《幻海奇情》最經典，在有限的電腦特技下仍能營造驚嚇效果，Tanya說：「《四人歸西》嘛！好驚！」當年無綫於早晨時段重播，徐緣例必要「煲一煲」才返學。然而，二十年過去，這類題材劇集卻近乎絕迹，鬼王聰說：「可能近年自我審查。」
台北猛鬼酒店實錄 客人瞓醒冇著衫
http://bit.ly/talk245711
生前葬禮打破禁忌 打住牌嚟送殯
http://bit.ly/talk245712
呢個世界有冇鬼？ 靈異主持自揭謎底
http://bit.ly/talk245713
俾鬼壓好驚嚇 唔郁得就咪掙扎
http://bit.ly/talk245714
《殭屍》復興港產鬼片？政府都肯俾錢！
http://bit.ly/talk245715
幻海奇情打牌禁忌 四人歸西最經典
http://bit.ly/talk245716
七月十四生日易撞鬼？ 佢一次都未撞過
http://bit.ly/talk245717
日本鬼太郎有典故 鬼樣有圖有真相
http://bit.ly/talk245718
亞洲亞洲有倉底貨唔播 寧願重溫煙花？
http://bit.ly/talk245719
廣告好橋阻嚇醉駕 鬼同你講夠驚嚇
http://bit.ly/talk245720