決心不靠爸爸王晶在娛樂圈發展的王子涵，早前有報道稱她接了劉國昌執導的情慾電影，在戲中露兩點演出，雖然事後王子涵稱只屬初步接觸，不過護女心切的王晶，昨日忍不住在微博炮轟說：「作為父親，我不反對性感，因為身體是演出的一部份。但這招分明就是借『王晶個女剝衫』呃錢！今次我教女無方俾你點到，算數。再來定必請你食屎。言出必行！」
王子涵：佢偏激咗少少
王子涵昨日在商台接受訪問，被問到爸爸王晶出言炮轟一事，她表示有看到爸爸的微博，雖然覺得有爸爸挺身而出好sweet，但她說：「我明白佢係護女心切，但都會擔心嚇走搵我拍戲嘅導演，佢又偏激咗少少，都知呢件事令佢有hard feeling。」
子涵重申至今仍未應承會接拍電影，同時亦未有與導演劉國昌見面。問她會否因掛住王晶女兒的名而有負擔？她說：「每個人都會負擔，自己都咁大個女，條路行到𠵱家都幾順，呢件都係好小事，唔覺得有負擔。之後或者會拍劇同微電影，不過都未傾好。」她更稱爸爸沒有經濟封鎖她，父女關係好好，她說：「之前係見面先傾，𠵱家見唔到佢都有send message，我哋都有討論過，如果有啱我嘅角色會搵我試鏡，總之公平競爭。」
採訪：文國駿
