政改諮詢期間，政府收到唔少商會「主流意見」，唔少都要求保留功能組別，特首選舉提名委員會組成就最好改得越少越好，仲話要門檻高㖭，但國際商會──中國香港區會就反其道而行，認為政改方案必須符合相關人權嘅國際公約，又重新設計提委會四大界別，分為資本、人力資源、公民社會、同政治與公共行政等相關工作，雖然人數維持喺1,200個，但提倡有意參選特首嘅人，得到3.5萬選民提名或者十分一提委支持，之後再取20%提名選票就可以「出閘」嘞！
商會主席李澤培喺立法會組成方面，更同普遍商會力撐功能組別千秋萬世唱反調，佢話呀：「功能組別本身組成好有問題」，例如部份界別代表性成疑，認為立法會嘅功能組別，最快應該要喺2016年廢除。