【本報訊】聲稱為拯救世界而行刺父母的被告霍立賢，替警方錄取會面口供時親述目擊父遭友狂刺致倒地，其間父母曾先後向他求救，母親說"I very love you"動之以情要求他停手，但他不為所動。
控方昨播放霍立賢的錄影會面供詞，霍表示去年3月16日凌晨2時半，按計劃與陳明天從天台赤腳走入寓所大廳，準備行刺父母。至3時許，霍形容「第一幕」是陳首先「攻入」睡房，他左手掩父口，右手握刀刺向對方喉嚨，父親頓時四肢彈起。而霍隨後衝上床箍着母親，但兩人爭持不下。其間霍聽到父親大叫：「好痛！死喇！發生乜事？立賢快啲起身幫手」，指陳與父親互用粗口對答「幾round」，陳說：「你快啲死喇X街！」，父親回應：「得喇得喇我死喇X街！」
斬人時叫救命 自稱癲咗
霍指「第二幕」是父親站起來與陳明天發生激烈打鬥，陳用鐵通狂打父親頭部，父親向霍求救：「立賢快啲幫手，仲唔起身，你唔係瞓到咁『冧』呀？」，並不斷說：「我死喇。」霍續指「第三幕」是陳對父親「用利刃猛攻，不停抽插」，其間陳說：「我把刀俾人搶咗，早知唔做，俾人斬喇」，最後將父親狂刺致倒地，便問他：「你得未呀？」
他說此時仍與母親爭持，母親對他說"I am your mother, you are my son, God bless me, Jesus please help me, I finally know what you are.（我是你母親，你是我兒子，求主保佑我，幫我。我終於知你是甚麼了。）"，及"I very love you, don't do this to me.（我非常愛你，不要這樣對我。）"，母親欲以手機報警，但遭他踢開。他痛哭大叫：「救命，乜人嚟，我唔係你個仔，我癲咗……爸爸媽媽救命，快啲搵人嚟救我。」他又自言自語：「快啲幫手插呢個位」，「呢個係邊個，快啲走開」，其後陳走來踢及狂刺母親頭部後，他見到門口有光才離開單位。