一套短片《三輪車伕》令佢進軍康城，綠葉王梁健平終於開花，成為主角。但係佢嘅經歷你又知道幾多？兩年前，佢毅然離開效力咗廿幾年嘅無綫電視，轉投港視。點知港視不獲發免費電視牌照，令佢前路茫茫。不過梁健平冇灰心，反而會安慰自己：「呢個世界一定會有人比我更加辛苦，有人比我更加幸運，但我覺得冇所謂的，呢啲就是我們嘅生活。」就係因為抱住呢個信念，梁健平臨離巢之前，都做好佢喺無綫嘅最後一個角色，就是演《潛行狙擊》中的威利哥。
有場戲係話威利哥要強姦陳法拉，差唔多拍到尾聲，謝天華就衝入嚟，一腳踢開梁健平。點知梁健平失策，撞到背部的筋：「嗰刻我好記得我停咗三秒，當場呆咗，我覺得好似有事，但仲有最後一個鏡頭，咁我就忍痛，原位唔郁拍完嗰個鏡頭，然後收工。」演藝生涯28年，受傷又豈止一次呢，但梁健平冇選擇埋怨，而係笑住面對。