莊思明早前上載大腿瘀傷相到微博，惹來她遭男友、陳慧琳（Kelly）胞弟陳司翰虐打之嫌，之後她和陳司翰相繼否認。兩位當事人的胞姊，即莊思敏和Kelly昨日原本首度同場，齊齊出席中環PMQ元創方的Shiseido護膚活動，不過莊思敏臨時甩底，她在電話中解釋有工作在身才缺席。
阿媽講又嫌煩
現場問Kelly會否介意與莊思敏合照，她笑言：「我咁有禮貌，梗係會打招呼，唔介意影合照，等你哋安排。」有否輔導細佬？她說：「佢成日返內地工作少見，成日打畀佢會好八卦。」
近日內地掃毒風熾熱，問到會否擔心細佬，Kelly說：「都擔心，佢都30幾歲人，擔心唔到，佢唔係十幾、廿幾歲，我提佢佢會覺得我好煩，應該係阿媽講，佢又嫌佢煩。」會否盡早教導一對兒子，她笑說：「𠵱家講太早，佢哋世界好美好，係冇鬼、冇毒品，解釋唔到太多，佢哋問我乜係毒品點算。」
陳爽孕婦裝
此外，懷八個月身孕的陳爽，着低胸晚裝裙及高踭鞋，她說：「都係落車先着半個鐘，之前問准老公。」上圍有否升cup？她說：「正常，係女人嘅天性，冇乜大變化。」
採訪：羅慧敏
攝影：陳順禎
