【專家意見】
樓價越高，市民越住越細。發展商近年推售蚊型單位，當然計過度過，但背後原因，莫過於樓價升幅遠遠拋離市民收入，卻不能賤賣拖冧市場，惟有推售蚊型單位吸引上車客。
兩房戶或不合潮流
有測量師料未來住宅供應趨兩極化，一是針對上車客的蚊型戶，一是針對換樓客的大單位，兩房戶嗎？已不合潮流。
2011年政府推出限呎及限量地皮，三年後出現奇則，業界認為不是單一主要原因。香港測量師學會房屋政策小組主席潘永祥認為，越來越多蚊型戶推出市場，相信發展商是因應市場需要，除了本港人口結構變化，單身人士越來越多，對細單位需求上升。
再者，樓價高令上車難上加難，「現時樓價貴，唔夠錢咪逼住買200零呎囉！」至於大單位供應，主要視乎地區、家庭人數及入息等，以天晉IIIA為例，相信發展商看到該區以上車客及換樓客為主，故集中一房及三房戶，兩房較少。
測量師許偉國指出，未來住宅供應將呈兩極化局面，「一係就一房，有咁細得咁細，吸引首次置業……一係就大單位，吸引換樓客，因為佢哋有足夠負擔能力」。至於兩房單位，他認為這類單位與一房戶的買家沒太大分別，而且涉及稅款，動輒數十萬元，既非首次置業買家可以負擔，而換樓客要換樓亦不會越換越細。他個人認同，「限量」條款令畫則時需要作出遷就。