政界一直竊竊私語，話政改如果原地踏步，狼英極有可能做多屆，唔少人仲度埋「一人一票選特首，齊心踢走689」嘅口號，話泛民應該因此支持政改方案啦！
八方噚日喺香港潮屬社團總會第七屆會董就職典禮見到唐英年，當然要問吓佢點睇政改困局，用「梁振英做多屆」作為游說泛民支持政改方案係咪好原因呢？唐唐聽完笑笑口諗咗一陣先回應：「唔係一個好原因去游說泛民」，佢話按2010年政改經驗，最緊要係理性務實溝通喎！
狼英帶頭簽名反佔中，唐唐又如何？可惜八方問極，唐唐都冇直接回應，只稱佔中犯法已經好清楚，指香港未到需要公民抗命嘅情況。