梁健平在演藝圈28載，「敬業樂業」是他一生的座右銘。百花雖好都要綠葉扶持，綠葉王梁健平跟無數紅人紅星合作過，經歷有喜有樂，還有不少不為人知的辛酸史，他卻不以為然：「都唔算係辛酸史，只要工作上有需要或者有時係自己攞嚟賤，受傷一定有，辛苦一定有，個個都會經歷受傷同埋辛苦，大家一條心拍好片，做好自己工作，就冇得冤唔冤屈，你可以拒絕唔做㗎嘛。」
梁健平試過自薦泥漿打架，被飛甩流星搥打中額頭，在臨別大台前拍攝《潛行狙擊》被陳法拉一腳踢開，走錯位撞落木箱，他說：「撞到後面條根，面都青埋，之後忍痛原位拍埋嗰個鏡頭收工睇跌打。不過隔兩日，又要拍我撞車死，咪扶住去拍。」
採訪：馬建華
攝影：林德雄