【拆局】
泛民與張曉明見面後，多名泛民相信，人大常委不會對政改「落全閘」，但會「落半閘」，即會否定公民、政黨提名、肯定提名委員會提名權，未必會指明必須過半提委支持才能「出閘」，但不代表北京有讓步空間，「只係覺得未打得殘和平佔中，仲要多啲時間」。
北京爭取時間打殘佔中
多名泛民均認為，人大常委不會就政改具體內容說得太詳細，「我哋估會落半閘多於落全閘」，所以應該不會提出必須過半提委支持，才能「出閘」參選等有爭議細節，「我哋覺得北京仲係唔想9月就發生佔中，唔講必須過半提委支持出閘，唔係北京讓步，只係唔想咁快觸動佔中」。
有泛民中人稱，料北京會續擺出溫和姿態與泛民談判，但泛民普遍認為不代表北京有讓步空間，只是評估連串反佔中行動仍未能壓下和平佔中勢頭；他認為北京要時間爭取中間派、沉默大多數民意，待民意有明顯傾向性便可「搞殘泛民同佔中」，但泛民不會捱打，定會反擊人大常委會決定，「唔理人大常委落全閘定落半閘，9月一定有行動，分別只在全面定局部佔中」。
《蘋果》記者