為肌肉萎縮性側面硬化病籌款嘅冰桶大挑戰，席捲本地體壇！繼Lulu「挑機」大埔球員史建威後，東方噚日再玩大啲，收操後冒雨向港超聯3支主要對手南華、傑志同太陽飛馬挑機，希望可以籌更多善款。
東方上季重返港甲，除再組千萬大軍爭取成績，亦搞唔少公益事務，佢哋仲響應近期熱爆嘅冰桶大戰。雖然噚日住落大雨，但無阻東方球員嘅熱誠，提早收操後，先由副總監歐偉倫對住鏡頭講：「為咗令更多人認識呢個病，確實好有意義，捐錢之餘，全隊一參齊與。」之後全隊球員擺好陣勢，齊聲向南華、傑志同飛馬落「挑機」戰書，之後一齊倒冰水。
據聞東方已準備捐錢畀本地肌肉萎縮性側面硬化病嘅慈善機構，如果今次南華、傑志同飛馬3支港超聯嘅對手都接戰，相信善款會進一步增加，各位球迷要拭目以待喇。
識睇，一定係睇足英台【英波Live】：
http://soccer.appledaily.com
http://bit.ly/engballlive