房祖名及柯震東證實在北京吸毒被捕，震驚娛樂圈。曾因吸毒在日本被捕的關楚耀（Kelvin）昨日在上水拍MV時，表示知道柯震東被捕事件，他說：「當然係嘥咗，佢好有潛質，聽到消息覺得好可惜。」問Kelvin之前是否花了很久才翻身？他說：「最緊要係鍾意呢個行業，係好難接受，身邊親友都好難接受，要靠自己去過呢個黑暗期，堅持自己信念。嗰時都有掙扎過係咪繼續留低，定係離開呢個地方？真係幾大壓力。」
而曾吸毒的模特兒Rosemary昨透過電話回覆：「之前有同Jaycee（房祖名）打過籃球，唔相信呢件事係真，我哋冇合作過，但覺得佢係個好健康嘅男仔，係一個好孩子，每個人應該作出正確選擇，希望呢件事快啲過去。」
另一位曾吸毒的歌手周永恒，昨接受電話訪問時說：「好多嘢可以減壓，例如做運動行山，咁大個人知道對錯，做錯事要負責任。不過每個人都有錯，希望大家畀機會佢，咁靚仔唔好嘥咗佢。」
採訪、攝影：張俊銘