芝加哥大學布思商學院噚日香港臨時校舍開幕，本來請咗美國駐港總領事夏千福（圖）嚟剪綵，點知千福BB最終放咗飛機，改由副領事Tom Conny代表。噚日仲有唔少商界人士出席開幕禮㗎，包括上海商業銀行董事長榮智權、香港美國商會代表等。
八方同其他傳媒去到，等咗成個幾鐘，完咗介紹等環節，終於等到剪綵嗰下，約六、七個攝影記者埋位，諗住影張合照，點知學校唔知邊位人士，叫攝記唔好阻住中間個位，因為啲大人物要企嗰度。有攝記行家就反駁，影相係有要求㗎，企側邊，影得唔好囉！但講完都係唔成功，結果約廿個記者索性唔影呢張相，一齊收隊走人。