「被遊行」有幾慘？𡃁模Coco Cherry怕且應該現身剖白。話說「獨立媒體」日前喺8.17反佔中遊行中，訪問咗一位跟住「惠社團聯合總會」上街、報稱係模特兒嘅Coco Cherry，佢話係經理人公司安排佢出席。當獨媒記者想問佢點睇反佔中，現場一名男子即刻趕走記者。
Coco Cherry最終喺個人facebook留言，大呻被騙遊行，坦言「犯大錯、超崩潰」。佢話係收到留言，呼籲出席支持佢音樂老師嘅一個奇怪遊行，直至去到現場，都唔知乜嘢係反佔中，孭住六本音樂書嘅佢邊行邊抱怨，行到金鐘頂唔順就走人，慨嘆「像白癡般走了半天」，實際上冇收過一分錢。