F1小休咗成個月，今個周末就會喺比利時再開戰。麥拿侖車手畢頓上周就把握最後時機，同索模未婚妻道端謝茜嘉去咗西班牙嘅度假勝地伊維薩島，同陽光玩遊戲。
兩口子身形鬥「弗」
畢頓職業係對體能要求極高嘅F1車手，又同時係三項鐵人賽愛好者，腹肌同人魚線呢啲自然必備㗎啦，比較令人耳目一新嘅係，可以見到佢平時遮住咗嘅紋身；其中最吸睛嘅就係佢右邊背脊嗰一條龍，加埋上面「世界王者」4個漢字。
不過，呢位前世界冠軍上半季成績麻麻，唔知幾時先可以重現王者風範。至於道端呢位名模兼瑜伽達人，身材當然亦唔會輸畀愛郎，着住件鮮色嘅三點式就更加養眼。
雖然狗仔隊明目張膽咁舉機影相，但係畢頓同道端都冇黑面，心情亦冇受影響，繼續enjoy二人世界。玩完水沖身嗰陣，超細心嘅畢頓仲全程㩒住個花灑掣，等道端可以慢慢沖，真係sweet到爆。睇住呢個咁溫馨甜蜜嘅畫面，如果加多個小朋友喺隔籬就完美喇，不過兩口子目前，睇嚟都未有打算生B。
識睇，一定係睇足英台【英波Live】：
http://soccer.appledaily.com
http://bit.ly/engballlive