【壹週刊】香港人最愛旁觀他人折墮。箇中心態，可細分為刻毒、無知、冷血、涼薄，詳情請看無綫的《沒女大翻身》。程翠雲是家庭治療輔導專家，單看預告，便嚇出一身冷汗：「如果嗰班唔係演員，真係會死人。」公仔箱內的「聲音形態導師」、「心理學家」咄咄迫人，但她說真正的治療，不會販賣他人的傷痛和眼淚：「我唔評論個人啦，費事阻人搵食。但我唔能夠接受佢哋展示、踐踏他人，連最基本保護個client都做唔到。」
「沒女七友」是否受薪老臨，交由高登起底組跟進。程翠雲也自覺像偵探。十多年來，她見過逾千名求助者，他們的抑鬱與糾結，往往話中有話：「佢哋要好大勇氣先肯入嚟（輔導室），打開自己、血淋淋。呢分真誠要好小心保護——當然，真誠嘅嘢都可以好刻毒、涼薄。」「四大界別」以「無知」居首，若有人看了電視，誤以為那的就是治療，咁就真係：「好折墮囉，我指拍嗰班人。」
iPhone版下載： http://goo.gl/1SDaWF
Android版下載： http://goo.gl/xfQS8D