杜德偉（Alex）一連兩場「極杜世界巡迴演唱會2014」完滿結束，舊愛周汶錡和吳君如先後到紅館撐場，前晚容祖兒和衞蘭擔任嘉賓。Alex被問到兩個舊愛先後捧場，他笑說：「大家好朋友，keep住聯絡，之前君如叫我客串《金雞》，我都有講笑叫佢喺我演唱會跳鋼管舞，𠵱家要留番下次。」
尾場Alex未有穿上黑色打底褲唱《脫掉》，他說：「其實之前只係黃色嗰條打底褲，但大家都覺得唔夠，鑽石係後尾加落去，喺演唱會都唔去盡幾時去。不過我都好擔心除嗰時會除埋入面嗰條，嗰時就真係俾人拉！」 Alex表示之後會跟老婆補度蜜月，不過出發前會先出席鍾鎮濤的婚禮。
採訪：譚倩宜
攝影：仇志德