【蘋果暖流】「如果我冇呢個病，𠵱家應該有媽媽咁高」，患罕見遺傳病黏多醣症四型的曉燕（20歲），骨骼發育不全，四肢如幼童般無法長大。自4歲起須靠輪椅代步的她，雖飽受頑疾煎熬，卻未有磨滅鬥志，更積極參與義工活動，惟近日電動輪椅損壞，令曉燕行動甚為不便。她只盼可衝出蝸居，用有限的時間，活出無限的精彩！ 記者：鄧詠中
曉燕在六個月大時盆骨鬆脫，其父母遂向骨科醫生求醫，接受多次手術後骨骼持續變形，4歲時才確診患上黏多醣症四型。燕母憶述：「初頭好無助，唔知咩係黏多醣症，壓力又大，老爺奶奶都有病，一屋三個病人，真係諗過自殺。」猶幸遇上同路人，令當時徬徨萬分的燕母打消自殺念頭，「喺甘迺迪（中心）識到同曉燕好似嘅病友，了解多咗呢個病，慢慢唔再孤單」，燕母不但加入香港黏多醣症暨罕有遺傳病互助小組，更不時出書細說病友心路歷程。
曉燕身體缺乏分解黏多醣的酵素，黏多醣不斷累積，細胞無法正常運作，令多個器官受損，據病例患者一般只活到20多歲。曉燕坦然面對生死，「每一日都係賺番嚟，希望多啲人關注呢個病，好多同學比我辛苦」，孝順的她只盼兩位弟弟（分別9歲及10歲）能代為報答父母養育之恩：「有一日自己唔喺度，希望兩個細佬好好照顧父母。」她更積極分享個人經歷，「6月去咗台灣交流，平時會參加傷健中心義工活動」。
無奈上月電動輪椅電池損壞，已無法修理，一家五口靠燕父（53歲）任維修技工及燕母（41歲）兼職工作維生，僅夠餬口，無力購買約5.6萬元度身訂做的電動輪椅，「父母為我犧牲咗好多，好辛苦搵錢，但合適嘅輪椅真係好貴」。曉燕獲傷健及青少年兒童基金資助兩萬元購買電動輪椅，惟餘下3.6萬元，由蘋果日報慈善基金協助籌募，盼獲善長支持。
「曉燕」捐款編號：C3733
網上捐款： http://bit.ly/1nQRthE