【壹週刊】近排班靚仔圍埋細聲講大聲笑，原來呢排佢地出席唔少江湖盛宴，除咗魚翅「瑯」口，高潮位梗係各字頭大哥輪流上台唱歌娛賓，班靚仔用手機影低後，搞了個江湖十大勁歌金曲，話各大哥唱得精彩過林峯，包你拍爛手掌。
首先金曲金獎梗係要頒俾14K「搞事雄」，佢雙手肉緊鏈住支咪，含情脈脈唱鍾鎮濤 嘅《 讓一切隨風》，真係要着多件衫，幾驚凍親呀。唔講唔知，近期黑幫有隊新樂隊「駒摩一派」出道，由忽然friend返既崩牙駒和摩頂平組成，佢哋手拖手合唱《有誰共鳴》，有情有義好感人。
勝和雞腳黑就最有台型，連奪幾首金曲，包括中氣十足唱《也曾相識》﹑《霧之戀》﹑《錦繡前程》，唔知佢當年勒索「金牌司儀」，有冇請教對方點樣運氣呢？最佳台風獎當然係勝和前館崩嘴崩，噡返口大雪茄，頭fingfing拍住14K鬍鬚勇唱《真的愛你》，High到爆。
iPhone版下載： http://goo.gl/1SDaWF
Android版下載： http://goo.gl/xfQS8D