【訪問】
豪擲近八百萬裝修的HMV ideal，最近終於正式開幕。持有中環店的高誠資本（8088）首席執行官胡景邵直言，冀利用中環店將品牌年輕化，灌輸音樂理念，同時借助線上App增加實體店收入。這一次大刀斧闊去改，成效固然屬未知數，但他目標清晰，「我offer一個靚環境畀大家，大家以後諗起呢啲片段就記得HMV，唔係其他品牌」。
記者：郭曉琳 吳永強
不單止裝修，改革也從根本去做。兩層舖面，第一層除了有例牌的試聽區外，增設賣書及潮流物品的角落，還設有hmv kafe（咖啡店）；第二層有黑膠唱片區，以及兒童角落。下意識會以為HMV要轉營走文化百貨路線，胡景邵搖手澄清，「唔希望客戶覺得我哋夾佢買其他嘢，只係為你着想，例如係中環好難搵到間舖賣usb，我哋就賣」。回歸現實，售賣多元化產品，較以往單一賣唱片，毛利率增加數個百分點。
黑膠唱片生意佔比升
在舖內經營咖啡店，他直言佔整體收入少，純粹提供全方面服務予客人。咖啡店由HMV自行營運，但上年增設咖啡店時，他選擇與廖創興家族成員廖偉芬旗下連鎖咖啡店合作，不足三個月卻分手收場。問到原因，他不欲評論太多，「當交學費，當時業績達唔到預期，想自己控制番」。他認為自行營運咖啡店彈性較大，「依賴人，成績唔好都冇得改善」。
除打造全新形象，胡景邵還想將品牌打造成「音樂零售泰斗」。除了照顧原有客人購買CD、DVD的需要，還要提供高端的黑膠唱片，以及他口中「好假」的mp3。「你唔賣mp3，人哋都做」。9月將推出HMV全新App，提供下載服務。新舖亦定期會舉行小型音樂會，可容納數十人觀賞，「畀本地歌手一個平台表演吓」。翻新舖頭後試業十多天期間，黑膠唱片由以往佔營業額3%，升至10%。「未來會擴大個黑膠碟區」。
杭州西湖開設特許店
中環店是改革的第一步，「畀人睇到呢間舖做得好，其他業主就會主動搵我哋」。礙於店舖面積，他暫時未有打算將其他HMV分店改造概念店。「舖要夠大先得，中環舖租金佔營運成本25%，比其他舖高，再貴啲就冇得做」。內地地方較大，裝修成本比香港少一半，故來年計劃進軍內地，目標在深圳、上海等地開設自營店，「喺大陸一定要搞概念店，齋賣碟唔得」。目前已落實在杭州西湖開設第一間特許經營店。「會小心揀partner，希望增加知名度」。
