前港姐冠軍張名雅，近期好鍾意去玩水，成日都晒泳照，月初佢去咗泳池玩，噚日就轉戰到沙灘同陽光玩遊戲。
張名雅噚日喺微博貼咗幾張去沙灘玩樂照，當然唔少得性感泳照加晒事業線，仲有佢嘅一對美腿0添，不過噚日佢就唔係一個人去，而係同一名男子一齊去，仲有兩個小朋友0添。
張名雅喺微博大讚兩個小朋友好叻，佢話：「兩隻BB蜘蛛俠好可愛喔，哈哈!比起我細個，兩個好叻叻，因為我細個個陣超級怕隻腳掂到啲沙，所以好怕沙灘，而家就好怕游完水要沖涼洗頭，一游完水我變得超級愛回家！」真係估唔到今時今日咁鍾意着泳照嘅張名雅，原來細個係怕沙喎。