建制派立法會議員劉皇發近排嘅最大任務，當然係反佔中啦，而佢兒子「發仔」劉業強就醉心賽馬，在港養有「精彩日子」、「驌龍」及「勝風」，其中「精彩日子」上季首戰就擊敗「大運財」贏國際賽，但之後成績唔算好，季尾遠征日本安田紀念賽，亦只跑第六，劉業強接受訪時話「精彩日子」未來表現如何，始終要視乎健康情況，如果一切正常受操嘅話，仍會係香港最強一哩馬，今季已經七歲反而唔係大問題。
對於曾經八捷嘅「驌龍」，因為受腳患及心律不正常困擾，上季未能建功，但劉業強卻自爆練馬師蔡約翰唔畀隻馬退役，佢話自己原本打算安排「驌龍」退役換馬，不過蔡約翰就話隻馬現時健康已無大礙，可復課操練，而且評分已減不少，建議保留，暗示今季會有馬贏。至於父親劉皇發名下嘅「驪龍」，劉業強就未敢抱太大憧憬，佢大爆隻馬有四級胃潰瘍，就算本身有質素暫時又操得，但真正比賽時始終未必穩陣。
識睇，一定係睇足英台【英波Live】：
http://soccer.appledaily.com
http://bit.ly/engballlive