前公民足主張廣勇新球季出任南華足球部主任，可說是香港球壇典型的「一雞死、一雞鳴」的最新例子。當球圈內外擔心港甲升格為港超聯，只是「換湯不換藥」或「新瓶舊酒」，港產企業家張廣勇心口掛着勇字，從搞公民一季僅花100萬元，跳到有羅傑承離任足主的南華則豪擲千萬。如此不惜工本，他倒說得坦白：「喺香港搞波，就係想要有回響！」
記者：曾雁平 攝影：王子俊
4年前南非世界盃決賽周後，張廣勇豪擲超過800萬港元，透過名下公司邀請巴拉圭訪港友賽港隊，初次涉足本地球壇；到上季獲邀出任公民足主，豪花千萬元主辦賀歲波，票房失收勁蝕數百萬，卻贏了口碑。然而張廣勇坦言，該次搞賀歲波的回響，卻不及目前出任南華足主來得轟動，說明香港搞足球確實存在名牌效應，論受注目程度，其他球會始終不能與南華相比。
內地觸礁 搞波一定香港搞
去年中，張廣勇曾涉足國內球壇，邀請俄超勁旅莫斯科中央陸軍到訪南京，與中超球會江蘇舜天對壘，怎知賽事失收之餘，亦沒有預期中的回響：「喺中國搞波，投放2,000萬港元（約1,580萬人民幣），但可能國內巿場太大，搞波得到嘅回響好細；香港就唔同，相同投資嘅邊際利益，同國內差天共地。」
張廣勇補充，投資足球就如非一般的燒錢，若單看實際經濟收益，如「有出冇入」；所以搞足球要有清楚目標，仍願意去做，全因自己是香港人：「要搞波一定會喺香港搞，南華咁歷史悠久，如果成功振興本地足球可以好有回響。」
加薪留人 拒與羅傑承比較
南華前任足主羅傑承投資南華8年，縱使未算翻天覆地，但初期設巨額獎金、注重包裝，加上事事親力親為，幾乎每戰半場期間也會到更衣室見球員，部份處事方式亦令球圈中人議論紛紛。張廣勇就指，管理方式人人不同，自己不會跟上任足主作比較：「上任後基本留用所有球員，自己向來關心球員，留用嘅全部加薪15%至20%，簽約前人人獲安排單獨會面，以表達高層對球員嘅重視，希望佢哋全力爭取成績；球場內嘅事就交由教練團去處理，個人唔會直接參與球隊運作。」
回想上季尾，足總主席梁孔德主動邀請張廣勇兼任港足名譽領隊，縱當時未知擔任此職要先付100萬元作球隊福利，亦需在港隊賽前的握手儀式亮相等職責，張已一口答應，他說：「其實到𠵱家都未知港隊名譽領隊要負責咩，主席話稍後會喺適當場合有正式公佈。不過，港隊稍後喺足總百周年紀念賽同阿根廷友賽，到時有機會同美斯合照，都係開心。」
識睇，一定係睇足英台【英波Live】：
http://soccer.appledaily.com
http://bit.ly/engballlive