【全城缺盤】
全城缺盤，「冇盤」屋苑比比皆是。香港置業余柏表示，缺盤效應，荔枝角美孚新邨1期百老匯街23號中層G室，實用464方呎，業主於2012年5月以398萬元購入後一直出租，直至上周六租客搬出，交吉可睇樓後，即日有近20組客睇樓，其中最少5組客出價，即日零議價以460萬元易手。
缺盤有幾嚴重，以將軍澳坑口站六大私人屋苑為例，蔚藍灣畔、東港城及新寶城等，單位總數逾萬伙，鎖匙盤僅三個。
業主叫價進取兼缺盤，美聯物業統計的10大屋苑，過去周六及日錄得16宗買賣，按周跌逾一成。新界兩大上車屋苑沙田第一城及天水圍嘉湖山莊，成交僅5宗，較前周少近一半，反映上車盤都開始搶到乾塘。中原地產統計的10大屋苑則錄20宗成交，其中四個屋苑包括鰂魚涌太古城、紅磡黃埔花園、觀塘麗港城及東涌映灣園「食蛋」。