今年初有位喺農銀國際做sales嘅Rachel Chan將靚靚自拍照放喺「彭博機」嘅profile度,即刻引來好多賓架、芬佬搜尋,南韓都有一位靚女sales可能用呢招,因而人氣急升。呢位靚女sales名為Elena Lee,過去一星期喺彭博機嘅最多人查看榜排第五位,而排第三係剛去世嘅荷李活笑匠羅賓威廉斯。按資料,Elena Lee喺2008年開始做經紀,現時喺南韓首爾嘅三星證券做sales associate,睇埋佢喺facebook嘅生活照,的確跟韓星冇乜分別,難怪吸到咁多眼球。