潮流興用「個人身份」反佔中，人稱「吉士」嘅恒地執行董事黃浩明Augustine趕上呢股「個人身份」熱潮。噚日喺朝早嘅反佔中跑步人潮中，就見到吉士嘅身影，見佢全副武裝跑步look，笑口噬噬跑足全程。
八方四出打探過，發現吉士喺較早時候已經以「個人身份」報名參加跑步，一於寓反佔中於做運動。
據同吉士住喺同一個屋苑嘅街坊報料，吉士一向有跑步習慣，不時見佢喺屋苑內練跑，難怪由維園跑去遮打呢條路，都難唔倒佢！無論係自動獻身，抑或政治表態都好，朝早肯定冇晏晝咁曬，吉士輕鬆跑完步，至少可以喺假日嘅晏晝休息，免卻烈日當空下暴曬。